2022/01/28. Баасан гараг Дугаар: #2171

СЭТГЭЛИЙН ДАРХЛАА

Зөрүүд, догшин уурладаг хүн үнэндээ "ичих мэдрэмж" ихтэй байдаг

— Ч.Баяржаргал   2021 оны 11 сарын 25

Мэдрэмж гэж юу вэ? Ичих мэдрэмж нь үнэхээр хүнд байх хэрэгтэй мэдрэмж үү. Эсвэл ямар нэгэн сөрөг мэдрэмжийн илрэл үү. Ичих мэдрэмж үргэлж таныг дагаад байвал ямар нөлөө үзүүлэх вэ? Хэрхэн ичих мэдрэмжээ эерэгээр өөрчлөх талаар зөвлөгөө хүргэж байна. 

Мэдрэмж буюу сэтгэл хөдлөл нь үйл хөдлөлийг сэдээдэг сэтгэцийн процесс юм. Мэдрэмж бүхэн ямар нэгэн үйл хөдөлгөөн хийх хүчийг өгдөг бөгөөд түүгээр асуудлыг шийддэг. Хувь хүмүүст тодорхой тооны үндсэн мэдрэмжүүд бий. Тэдгээр мэдрэмжүүдийн үндсэн дээр өөр олон нарийн мэдрэмжүүд үүсэн гарч ирдэг. 

Ичих мэдрэмж

Ичих нь өөрийгөө доогуур үнэлэн, дутагдалтай хэмээн дүгнэдэг, хүний дотоод сэтгэлийн сөрөг мэдрэмж юм. Энэ нь өөрийгөө буруутгах, доогуур тавихын нэг илрэл бөгөөд "Би чадахгүй", "Би муу хүн", "Би түүн шиг биш", "Би ямар ч нэмэргүй амьтан", "Би нэгэнт өнгөрсөн хүн" гэж өөртөө хэлдэг. Энэхүү ичих мэдрэмж нь маш олон шинжээр илэрч болзошгүй. Тухайлбал, 

  • Догшин уурлах
  • Самуурах
  • Биеэ барих
  • Зожгирох
  • Тоомжиргүй хандах
  • Зөрүүдлэх г.м.

Ихэнх тохиолдолд ичих мэдрэмж нь сэтгэл санааны өөр илэрхийллүүд болон биеэ авч явах байдлуудад халхлагдаж байдаг. Ингэж нуугдмал байдалд байх тусам улам өсч нэмэгддэг гэдгийг битгий мартаарай. 

Ичих мэдрэмжийн нөлөө:

Ичих мэдрэмж сэтгэлийн бусад хөдөлгөөнд халхлагддаг учир түүнийг танихад, өөртөө илрүүлэхэд хэцүү байдаг. Гэхдээ ичих мэдрэмж ихтэй хүн өөртөө дараах зүйлсийг байнга хэлдэг байна. 

- Намайг хэн гэдгийг бусад хүмүүс мэдэх албагүй...

- "Сэтгэлийн гүндээ би маш их ганцаардмал байна"

- "Би юм болгонд уур уцаартай, сэтгэл тайван биш байна."  

Та хэрэв өөртөө ингэж хэлдэг, ичих мэдрэмждээ хүлэгдсэн мэт санагдаж байвал дараах зөвлөгөөг хэрэгжүүлээрэй. 

Эдгээр сөрөг мэдрэмжүүдийг төрүүлэх ичимтгий бодлоо ингэж өөрчлөөрэй:

- Би өөрийгөө шоолон инээж байна. Ямар нэгэн алдаа гаргах нь ердийн хэрэг. Хүн бүр л алдаа гаргадаг шүү дээ. 

- Би ямар нэгэн алдаа гаргах боломжийг үгүйсгэхгүй. Үүнийгээ бусдаас нуух шаардлагагүй. 

- Бусад хүмүүс надтай санал нийлэхгүй байх, миний дургүй зүйлүүдийг хийх нь байж болох явдал гэдгийг би ойлгох хэрэгтэй. Үүнд өөрийгөө зүгээр байна гэдэгт итгэж байна. 

- Бусад хүмүүсийн мэдрэмж, биеэ авч явах байдлыг би удирдах гэж оролдох ёсгүй. 

- Би өөрийнхөө буруу үйлдэлд хариуцлага хүлээнэ. Буруугаа хүлээж гэмших нь сайны шинж. 

Эдгээрийг дахин дахин уншиж, тунгаан, өөрийн дотоод сэтгэл дэх ичих мэдрэмжээ өөрчилж эхлээрэй. 


Эх сурвалж: mhelp.edu.mn

Хуваалцах



Тод тусгал

Холбоотой

Ковидын үеийн нойргүйдлийг дараах дэглэмээр шийдэх боломжтой

Ковид-19 халдварын үед нойронд ямар өөрчлөлт орж байна вэ? Нойргүйдлийг хэрхэн даван туулах талаар СЭМҮТ-ийн сэтгэл засалч, их эмч Л.Жавхлан зөвлөгөөг өлгөө.Цар тахлын үеийн нойргүйдэл нь энгийн үеийн нойргүйдэлтэй харьцуулахад илүү төвөгтэй байдаг. Дэлгэрэнгүй

— Ч.Баяржаргал   өчигдөр

СЭМҮТ-ийн эмч Ж.Гантулга: Дараах 9 шинж тэмдгээс 4-5 нь таны хүүхдэд илэрч байвал цахим донтолттой болсон гэж үзнэ

Ковид-19 цар тахалтай холбоотойгоор хүүхдүүд ихэнх цагаа гэртээ өнгөрүүлэх, цахимаар хичээллэх зэрэг дэлгэцийн хэрэглээ нэмэгдэж буй. Тиймээс цахим тоглоом, дэлгэцийн хамааралтай болохоос урьдчилан сэргийлэх шаардлагатай юм. Дэлгэрэнгүй

— Ч.Баяржаргал   2022 оны 01 сарын 26

Санал болгох

Бяцхан ихрийн нэг гурван сартай С.Түмэнцэнд охинд амьдрал бэлэглэе

Сэр-од, Бүрэнсэмбэрүү нар нь 2021 оны 10 сарын 25-ны өдөр ихэр охидоо ЭХЭМҮТ-д өлгийдөн авчээ. Харамсалтай нь ихэрийн нэг болох охин С.Түмэнцэнд нь 2 сартайдаа тархины дээд хоёр ховдолд 3.2 см усжилт үүссэн, яаралтай хагалгаанд орох заалттай... Дэлгэрэнгүй

— Ч.Баяржаргал   7 цагийн өмнө

Ковидоор өвчилсөн үед зүрх судасны хүндрэлийг эрт илрүүлэхийн тулд зүрхний цахилгаан бичлэг хийх шаардлагатай

Ковид-19 халдварын үед зүрх судасны өвчтэй болон хүндээр өвчилсөн хүмүүсийн анхаарах зүйлсийн талаар АШУҮИС-ийн Монгол-Японы эмнэлгийн Зүрх судасны эмч, магистрант Ж.Өлзийбуян дараах зөвлөгөөг өглөө. Дэлгэрэнгүй

— Ч.Баяржаргал   8 цагийн өмнө