Засгийн газрын өнөөдрийн хуралдаанаас гаргасан шийдвэр, Онцгой байдлын байгууллагад хэрэгжүүлж байгаа төсөл хөтөлбөрийн талаар Шадар сайд С.Амарсайхан дараах мэдээллийг өгөв.
1. Онцгой байдлын алба хаагчдын хувцас хэрэглэл, тоног төхөөрөмж, машин механизм, шаардлагатай бааз суурийг нэмэгдүүлэхтэй холбоотойгоор 25 тэрбум төгрөгийн хөрөнгө оруулалтыг төсөвт тусгагдаж, шийдвэрлэгдэж байна.
2. Байгууллагын хүний нөөцийн чадавхыг бэхжүүлэх, мэргэжилтэн, боловсон хүчнийг сургах, ур чадварыг дээшлүүлэхэд чиглэсэн ажлуудыг идэвхжүүлэхээр боллоо.
3. Онцгой байдлын байгууллагын салбарын чадавхыг нэмэгдүүлэхтэй холбоотой одоо байгаа эрэн хайх, аврах, гал түймэртэй тэмцэх нэгж, бүлгүүдийн тоог нэмэгдүүлэх талаар хуралдаанд танилцууллаа.
Дээрх эрэн хайх, аврах, гал түймэртэй тэмцэх нэгж, бүлгүүдийн зарим орон тоо, төсвийг батлах үүргийг Сангийн сайдад үүрэг болгосон. Тухайлбал, гал унтраахад хэрэглэгдэх дрон, робот, шаардлагатай тоног хэрэгсэл, гал сөнөөгчид, аврагчдын аюулгүй байдлыг хангасан олон улсын стандартад нийцсэн хувцас хэрэгсэл зэрэгт 25 тэрбум төгрөгийг зарцуулна. Энэ долоо хоногт нийлүүлэлт нь хийгдэж эхэлнэ.
Мөн гамшиг, ослын үед иргэдэд мэдээлэх нь чухал. Тиймээ зарлан мэдээлэх системийг шинээр хийх 30 сая ам.долларын төслийг хэрэгжүүлэх санхүүжилтийн хэлэлцээрийг УИХ-аар удахгүй батална" гэлээ.
БИЧЛЭГ: