Оскарын наадмын өнгийг тодорхойлдог Америкийн “Cinequest” кино наадамд шалгарч  “Шилдэг гэр бүлийн богино хэмжээний кино”-ны шагнал хүртсэн Монголын уран сайхны “Шат” богино хэмжээний кино Оскарт өрсөлдөх эрх авчээ.

Австрали Улсын Засгийн газрын соёлын хөтөлбөрийн буцалтгүй тусламжийн дэмжлэгтэйгээр бүтээгдсэн уг богино хэмжээний киног урлагаар дамжуулан оюуны хөгжлийн ялгаатай залуучуудад амьдрах ухаан, бие даах чадвар олгоход чиглэсэн “Бид чадна-Бид авьяастай” хөтөлбөрийн хүрээнд залуучууд мэргэжлийн уран бүтээлчидтэй хамтран бүтээжээ. 

Энэ киног хөгжлийн бэрхшээлтэй залуус өөрсдийн дуу хоолойг нийгэмд хүргэхийн тулд өөрсдөө оролцон бүтээсэн бөгөөд камерны цаана даунтай 10 гаруй залуус ажилласан байна.