Улаанбурхан өвчний нөхцөл байдлын талаар цаг үеийн мэдээллийг Халдварт Өвчин судлалын Үндэсний төвийн захирал Э.Анхбаяр өглөө. 

Сүүлийн 24 цагт Улаанбурхан өвчний 338 батлагдсан тохиолдол бүртгэгджээ. Үүнээс, Улаанбаатарт 238, Архангайд 10, Говь-Алтайд 6, Дархан-Уул аймагт 42, Дорноговь аймагт 5, Сүхбаатар аймаг 31, Увс аймагт 6 тохиолдол бүртгэгдсэн байна. 

Анхны тохиолдол бүртгэгдсэн 2025 оны 2 сарын 18-аас хойш нийтдээ 7174 тохиолдол бүртгэгдсэнээс 5444 хүн нь эдгэрсэн. 

Яг одоогийн байдлаар 1099 хүн гэрийн хяналтад, 626 хүн тусгаарлагдан эмчлэгдэж байна. 

87 нь хөнгөн, 505 нь дунд, хүнд 33, маш хүнд 1 байна.

Эрчимт эмчилгээний тасагт 10 хүнд хүүхэд эмчлэгдэж байна.

Өнгөрсөн 7 хоногт гурван нас баралт бүртгэгдэж, нийт 5 хүн нас баржээ. 

Сүүлийн 24 цагт бүртгэгдсэн тохиолдлыг насны бүлгээр нь авч үзэхэд, 9 сар – 2 насны 32 хүүхэд, 3-4 насны 10, 5-9 насны 51, 10-14 насны 149, 15-19 насны 50 байна.

Эдгээр хүүхдүүдийн оношийг харахад 71.2 хувь нь вакцинд хамрагдаагүй, 1 тунтай 7.8 хувь, 2 тунтай 16 хувь, товлолт нас нь болоогүй хүүхдүүд 5 хувийг эзэлж байна. 

Вакцинаар сэргийлэгдэх боломжтой халдвар тул дархлаажуулалтад хамрагдаагүй бол хамрагдах шаардлагатайг зөвлөв. ХӨСҮТ-д 24 цагийн Дархлаажуулалтын цэг ажиллаж байна.