УОК-ын Шуурхай штаб өнөөдөр хуралдаж зарим ААН-үүдийн үйл ажиллагааг үе шаттай нээх шийдвэр гаргасан. 

Энэ үеэр  05 сарын 22-ноос орон нутаг руу зорчих хөдөлгөөнийг нээнэ гэдгийг УОК-ын Шуурхай штабын нарийн бичгийн дарга Т.Баярхүү мэдээлсэн юм. Тэрбээр, “Хот хооронд зорчих хөдөлгөөнийг зохицуулах журам батлагдсан. Одоогийн байдлаар иргэд нийслэлээс орон нутаг руу зорчихдоо очих аймгийнхаа онцгой комиссоос зөвшөөрөл авч байгаа.

Харин энэ сарын 22-оос эхлээд аймгийн онцгой комиссоос зөвшөөрөл авах шаардлагагүй. Хот хооронд зорчих иргэдийг вакцины хоёр тунд хамрагдаад 14 хоносон гэсэн баримтыг нь үндэслэн явуулах юм. 

Вакцинд хамрагдаагүй бол PCR шинжилгээ өгсөн байх шаардлагатай. Эцэг эх нь вакцин хийлгэсэн ч хүүхдээ дагуулж явж байгаа бол шинжилгээ өгүүлсэн байна. Гэхдээ 0-3 насны хүүхдээс шинжилгээний хариу шаардахгүй” гэв.