СХД-ийн зургадугаар хорооны нутагт дэвсгэрт 3 сарын 23-ны өдөр нэгэн айлд “олон хүн угаартсан байдалтай нас барсан байна” гэх харамсалтай дуудлага, мэдээлэл бүртгэгдсэн бөгөөд урьдчилсан байдлаар найз нөхдийн холбоотой 29-55 насны 10 иргэн нэг дор угаартсан шинжтэй нас барсан нь тогтоогдсон. 

Нийслэлээс ямар арга хэмжээ авч буй талаар хотын дарга Х.Нямбаатар өнөөдөр хэвлэлд дараах мэдээллийг өглөө. Тэрбээр, Ар гэрийнхэнтэй нь уулзаж эмгэнэл илэрхийлсэн. СХД-ийн Засаг даргын нөөц хөрөнгөнөөс айл тус бүрд тодорхой хэмжээний буцалтгүй тусламж үзүүлсэн. Ар гэрийнхнийх нь зүгээс бүх зүйлийн цаад шалтгаан нь архидалттай холбоотой гэдгийг хэлж байна. Тиймээс архинд донтох өвчтэй хүмүүсийг албадан эмчлэх төвүүдийг байгуулж өгөх, хууль тогтоомждоо өөрчлөлт оруулах, архи зардаг цэг салбаруудын асуудлыг шийдэж өгөх хүсэлт тавьсан. Утаа мэдрэгчтэй холбоотой асуудлаар хууль хяналтыхан ажилласан. Урьдчилсан байдлаар яндангийн хаалтыг бүхэлд нь түлхсэн гэсэн мэдээлэл өгсөн. Хэргий мөрдөн шалгах хэлтсээс өгсөн мэдээллээр, шүүх шинжилгээний байгууллага задлан шинжилгээ хийж нас барсан шалтгааны талаарх мэдээллийг олон нийтэд танилцуулна. Одоогийн байдлаар ил харагдах шарх соривгүй, угаараас үүдэн нас барсан байх урьдчилан дүнгэлт гарсан байдалтай байна" гэв. 

Иймд ард иргэдэд угаарын хийн хордлогын эрсдэлээс урьдчилан сэргийлэх, утаа мэдрэгч суурилуулж, түүний хэвийн үйл ажиллагааг тогтмол шалгах, зуух, яндангийн бүрэн бүтэн байдлаа сайтар шалгаж, хаалтыг бүрэн хаахгүй байх, орой унтахдаа галлагаа хийсэн тохиолдолд зуухны хэсгээр утаа алдаж буй эсэхийг шалгаж байхыг ЦЕГ-аас онцгойлон сэрэмжлүүллээ.