2023/02/05. Ням гараг Дугаар: #2544

ОНЦЛОХ

ХДХВ/ДОХ-ын талаар таны мэдэх ёстой 12 зүйл

— Ч.Баяржаргал   2022 оны 12 сарын 02

ХДХВ/ДОХ-ын талаар таны мэдэх ёстой зүйлс 

  1. ХДХВ/ДОХ-ын асуудалд анхаарал хандуулах өдрийг тэмдэглэх санаачилгыг 34 жилийн өмнө Дэлхийн эрүүл мэндийн байгууллага гаргаж байв.
  2. Дэлхий дахинд ХДХВ/ДОХ  анх бүртгэгдсэнээс хойш 40,1 сая хүн, 2021 онд 650,000 иргэн нас бараад байна. 
  3. Манай улсад 1992 онд ХДХВ/ДОХ-ын халдварын анхны тохиолдол бүртгэгдсэнээс хойш өнөөдрийн байдлаар ХДХВ/ДОХ-ын нийт 345 тохиолдол албан ёсоор бүртгэгдсэн бөгөөд уг өвчний улмаас 58 хүн нас барсан. Өнөөдрийн байдлаар 287 иргэн ХӨСҮТ-д бүртгэлтэйгээр хяналтад байна. 
  4. ХДХВ/ДОХ-д анхаарал хандуулах дэлхийн өдрийг энэ жил “Тэгш байдлыг хангая, хүн бүр оролцъё” уриан дор зохион байгуулж байна. 
  5. Манай улс жил бүр НҮБ-ын ДОХ-ын Нэгдсэн Хөтөлбөрөөс гаргадаг арга аргачлалын дагуу ХДХВ-ийн халдварын тархалтын тооцооллыг хийдэг бөгөөд 2022 онд 641 хүн ХДХВ-ийн халдвартай амьдарч байх магадлалтай байна.
  6. Монгол улс 1994 онд ХДХВ/ДОХ-той тэмцэх, сэргийлэх тухай анхны хуулийг баталсан. 2012 оны 12 дугаар сард эрх зүйн орчинг илүү боловсронгуй болгох талаар нэмэлт өөрчлөлт оруулсан хуулийн шинэчилсэн найруулгыг баталж өдгөө мөрдөж байна.
  7. ДОХ нь хамгаалалтгүй бэлгийн хавьтал, бохирлогдсон зүү тариур, цус цусан бүтээгдэхүүнээр л дамжин халдварладаг. 
  8. ДОХ-той хүний хэрэглэсэн суултуурт суух, нэг оронд хамт унтах, нэг тавагнаас хоол идэж, нэг өрөөнд ажиллаж амьдарлаа гэхэд та хэзээ ч халдвар авахгүй. 
  9. ХДХВ, ДОХ-ын халдварыг Oral-quick буюу шүлсэнд тест тавьж оношлох арга нэвтэрсэн. Дэлхийн бусад улсад шүлсний тестийг дэлгүүрээс худалдаж аваад хаана ч хийж болдог. Манай улсын хувьд одоогоор ТББ-уудад тарааж байна. 
  10. ХДХВ, ДОХ-ын халдвар авсан бол насан туршдаа халдвараа тээн амьдрах боловч шинжлэх ухааны ололт амжилтын үр дүнд эмийн эмчилгээний дэвшил нь тухайн хүнд зовуургүй, энгийн хүн шиг амьдарч, амьдралын жамаараа наслах боломжтой болсон. 
  11. Хэрэв халдвар авах эрсдэлтэй нөхцөлд байгаа бол урьдчилан сэргийлэх эм буюу Prep хэрэглээд ХДХВ/ДОХ-ын халдвараас 100 хувь урьдчилан сэргийлэх боломжтой. Уг эмийг хамгаалалтгүй бэлгийн харьцаанд орсон эсвэл бэлгийн хавьтагчаа ДОХ-ын халдвартай байсныг дараа нь мэдсэн бол 30 хоногийн дотор яаралтай ууж хэрэглэснээр урьдчилан сэргийлэх боломжтой. Гэвч энэ арга төдийлөн өргөн хүрээнд ашиглагдаж эерэг дүн авчрахгүй байгааг судлаачид нотолж буй. 
  12. ХДХВ, ДОХ-ын төгс эмчилгээ бий юу. Хэзээ вакцин гарах бол гэсэн хүлээлт дэлхий нийтийн анхааралд байсаар байгаа. Олон ч туршилтууд хүн дээр хийгдсэн. Тэгвэл вакцин хэрэглээнд нэвтэрч, ДОХ-ын асуудлыг шийдвэрлэх боломж маш ойрхон иржээ. Магадгүй 10 жилийн дотор бодит байдалд хэрэгжих болно.

Эх сурвалж: ДЭМБ, ХӨСҮТ




Хуваалцах



Тод тусгал

Бригадын генерал Г.Болор: Улс үндэстэн нэг зорилго, нэгдсэн ойлголттой, нэгдмэл цул байж чадвал хөгждөг

Монгол улсын анхны эмэгтэй бригадын генерал Г. Болор "Тод тусгал" ярилцлагын урилгыг хүлээн авав. Нэр төр, хөдөлмөр зүтгэлийн хүндэт эзэнтэй хувь хүний зорилго, улс орны энх тайван, батлан хамгаалах үүрэг хийгээд шаардлагын талаар ярилцлаа. Дэлхийд данстай монгол эмэгтэйн ур ухаан, эрдэм чадвар, холч харааг нэг ярилцлага бүрэн илэрхийлэхгүй ч "эх оронч" байх явдал нь чухам юу вэ гэдгийг товчхон танд ойлгуулах буй заа. Түүний боловсролын түүхийг энд бичих нь хэт уртдах ба Бригадын генерал хэргэм олгож монгол төр түүнийг батламжилсан билээ ...

— Б.Батцэцэг   2022 оны 11 сарын 15

Холбоотой

2022 онд 667.5 мянган мал зүй бусаар хорогджээ

Улсын хэмжээгээр 2022 оны эцэст, мал тооллогын дүнгээр 71.1 сая толгой мал тоологдож, өмнөх оноос 3.8 сая (5.6%)- аар өслөө. Үүнээс,Адуу 4.8 сая, Үхэр 5.5 сая, Тэмээ 470.5 мянга, Хонь 32.7 сая, Ямаа 27.6 сая байна. Өмнөх... Дэлгэрэнгүй

— Ч.Баяржаргал   2023 оны 02 сарын 03

Ам.долларын ханш өмнөх сараас 24.86 төгрөгөөр өсжээ

Монгол Улсын нийт гадаад валютын албан нөөц 2022 оны 12-р сард өмнөх сараас 15.8% өсөж 3.4 тэрбум ам.долларт хүрэв. Энэ нь өнгөрсөн оны мөн үетэй харьцуулахад 22% буурсан үзүүлэлт юм.Ам.долларын ханш өмнөх сараас 24.86 төгрөгөөр өсжээ. Дэлгэрэнгүй

— Ч.Баяржаргал   2023 оны 02 сарын 03

Санал болгох

Манай улсын оюуны өмчийн патенттай бүтээлийг БНХАУ-д хууль бусаар ашиглах тохиолдол гарч байна

Монгол Улсаас БНХАУ-д суугаа Элчин сайдын яамнаас оюуны өмчтэй холбоотой гэмт хэргийн талаар сэрэмжлүүлэв.Сүүлийн жилүүдэд БНХАУ-д оюуны өмчтэй холбоотой гэмт хэргийн тоо тогтмол өсч байгаа бөгөөд 2022 оны жилийн эцсийн байдлаар тус улсын Ардын... Дэлгэрэнгүй

— Ч.Баяржаргал   өчигдөр

Улсын хэмжээнд 85 удаагийн цаг агаарын гаралтай аюулт, гамшигт үзэгдэл болжээ

2022 онд улсын хэмжээнд 85 удаагийн цаг агаарын гаралтай аюулт болон гамшигт үзэгдэл болсон байна. Үүнээс аюултай үзэгдэл 64, гамшигт үзэгдэл 9 удаа болж, 4 хүн амь насаа алджээ. Мөн гамшигт үзэгдлийн улмаас 7402 толгой мал хорогдож, 2 удаа... Дэлгэрэнгүй

— Ч.Баяржаргал   2023 оны 02 сарын 03