МҮОХ-ны Гишүүдийн ээлжит хурал Худалдаа аж үйлдвэрийн их танхимд боллоо. Хуралд 180 гишүүн оролцохоос 129 нь хүрэлцэн ирж, 71.6 xувийн ирцтэйгээр эхэлсэн юм. Хурлаар, МҮОХ-ны Ерөнхий нарийн бичгийн дарга Э.Бадар-Ууган өнгөрсөн нэг жилийн үйл ажиллагааны тайланг танилцуулсан бол гишүүнчлэлийн асуудлыг Дэд ерөнхийлөгч О.Одбаяр, 2024 оны үйл ажиллагааны төлөвлөгөө, төсвийг Тэргүүн дэд ерөнхийлөгч Ч.Наранбаатар хэлэлцүүлж батлууллаа.
МҮОХ-ны 2023 оны санхүүгийн тайланд хараат бус аудитын шалгалтыг "Их Наяд Аудит" ХХК анхны удаагаа санхүүгийн балансын аудитын тайлан хийжээ.
МҮОХ-ны 2023 оны үндсэн үйл ажиллагааны орлого – 4,684,093,084.78 төгрөг, нийт зарлага – 2,926,027,608.77 төгрөг гарсан байна. Орлогын тухайд нийт 2,462,096,000 төгрөг олон улсын байгууллага, хөтөлбөр, түнш байгууллагуудаас орж иржээ.
Харин Парисын олимп болон паралимпийн наадмын бэлтгэл ажилд 25 тэрбум 600 саяыг төсөвлөжээ. Мөн нэг тамирчинд жил зарцуулсан зардал 2018 онд 31-32 сая төгрөг байсан бол 2024 онд 83-84 сая төгрөг зарцуулах аж.