Ус ашиглагч аж ахуйн нэгж, байгууллагуудын ус ашиглалтын үйл ажиллагаанд төлөвлөгөөт бус хяналт шалгалтыг 2024 оны 03 дугаар сарын 04-ний өдрөөс эхлэн хийж гүйцэтгэж байна. 

Шалгалтаар ус ашиглаж үйл ажиллаагаа явуулж байгаа 17 авто угаалгын  газруудын ус ашиглалт, цэвэр усны шугамыг тоолууржуулсан эсэх, усны эх үүсвэрийн эрүүл ахуйн дэглэм мөрдөлт, 2023 оны цэвэр усны болон хаягдал усны дүгнэлтээр гарсан төлбөр төлөлтийн байдал, хаягдал усны бохирын цооногийн байгууламж нь стандарт шаардлага хангаж байгаа эсэхийг газар дээр нь шалгаж ажиллаж байна. 

Шалгалтаар бохирын цооног нь шаардлага хангахгүй байгаа, 2023 оны цэвэр усны болон хаягдал усны дүгнэлтээр гарсан төлбөр төлөөгүй, гүний худагт тоолуур суурилуулаагүй байгаа зөрчлүүдийг арилгуулах, цаашид хуульд нийцүүлсэн үйл ажиллагаа явуулах талаар улсын байцаагчийн шаардлага хүргүүлж ажиллаж байна.

Усны газраас 2024 оны 01 сарын 01-ээс эхлэн машин угаалгын газрууд цэвэр усаар машин угаахыг хориглож, Ус сувгийн удирдах  газраас тодорхой арга хэмжээ авч хэрэгжүүлэх, цэвэршүүлсэн ус руу шилжиж ажиллах арга хэмжээг хэрэгжүүлж эхэлсэн.  Машин угаалгын газрууд жилд 125 мянган м/куб цэвэр ус ашигладаг. Цэвэршүүлсэн, саарал ус ашигладаг болсноор энэ хэмжээний цэвэр усыг хэмнэх боломжтой юм. 

Улаанбаатар хотод 421 автомашин угаалгын газар үйл ажиллагаа явуулж байгаагаас 21 ААНБ нь саарал усаа эргүүлэн ашиглаж байна. Цэвэр усаа хэмнэн, саарал ус дахин ашиглагч автомашин угаалгын газруудыг танилцуулж байна. Үүнд:

1. Shine робот авто угаалга

2. JP carsmn авто угаалга

3. Авто спа

4. City car wash

5. Grass auto car wash

6. Good car wash 

7. Зорчигч тээврийн нэгдлийн 1-р баазын авто угаалга

8. Эхо эн эс ти эн ХХК

9. Сансар авто угаалга

10. Амгалан авто угаалга

11. TG авто угаалга

12. HT авто угаалга

13. Мазаалай авто угаалга

14. VLVT car wash

15. Good center

16. 89 car wash

17. Даймонд санаа ХХК

18. Wooden car wash

19. Бас-1

20. Форвард авто  угаалга

21. Аму авто угаалга

Та ч бас үр хүүхдийнхээ ирээдүйн усны төлөө хувь нэмэрээ оруулж дээрх авто угаалгын газраар үйлчлүүлэхийг Усны газраас уриалав.