2021/10/16. Бямба гараг Дугаар: #2067

СЭТГЭЛИЙН ДАРХЛАА

Настнуудын сэтгэл зүйг дэмжих дөрвөн арга

— Ч.Баяржаргал   2021 оны 10 сарын 05

Хүн бүр өтөлж, хөгшрөх нь байгалийн жам. Зарим хүмүүс үүнтэй эвлэрч, дасан зохицож чаддаг бол заримынх нь хувьд өтлөлт, хөгшрөлт нь сэтгэл зүйн асуудал болж хувирдаг. "Сэтгэлийн дархлаа" булангаараа энэ удаад настнууддаа зориулан "Гэр Бүл Анхаарлын Төвд" Байгууллагын Сэтгэл Зүйч Д.Энхжингийн бэлтгэсэн зөвлөмжийг хүргэж байна.

Өөрийн амжилтаа жагсаах

Настай хүмүүс өөрийгөө бусдад хэрэггүй болчих вий эсвэл болчихсон мэт айдсаас болж өөрийгөө хэт их дайчлах, биедээ ахадсан ажил хөдөлмөр эрхлэх гэж эрмэлздэг. Заримдаа санасандаа хүрэхгүй сэтгэлээр унах, хямрах, гутрах, ганцаардах тохиолдол гардаг.

Иймд юун түрүүнд өнгөрсөн болоод одоогийн амьдралдаа өөрийн хийж бүтээсэн зүйлсийнхээ жагсаалтыг гаргаад үзээрэй. Ажил мэргэжил, амьдрал ахуй, үр хүүхэд, хамаатан садан, найз нөхдийнхөө амьдралд зориулан та юу хийж чадсан байна. Эдгээр жагсаалт дунд өөртөө баяр хүргэх маш олон зүйлс байгааг анзаарах болно.

Аль хэдийн чухал, амжилттай зүйлсийг хийж бүтээсэн гэдгээрээ өөртөө талархах цаг гаргаарай. Өнөөг хүртэл хуримтлуулсан мэдлэг туршлага тань өөр амжилтыг бүтээх боломжтой.

Унших

Тархины дасгал буюу идэвхтэй уншлага хийж аливааг эргэцүүлэх нь тархины эд эсийн хөгжлийг хадгалж үлдэх ач тустай. Ном уншиж үнэлэлт дүгнэлт өгөх нь биед булчин суухтай адил тархинд шинэ эд эсийн холбоос бий болгон тархины хөгжлийг дэмжиж байдаг. Харин утас болон дэлгэцээр дамжуулагдаж байгаа зүйлсийг үзэх нь эсрэгээрээ тархийг хатингаршуулж, хөшүүн байдал руу оруулж байдаг сөрөг талтай гэдгийг санах нь илүүдэхгүй.

Хүмүүс ихэвчлэн хөгшрөөд юм ойлгохоо болилоо, одоо хөгширсөн хойноо юу ч сурах билээ дээ, сураад ч яах юм гэлцдэг. Судалгаагаар 60 нас хүртэл тархины хөгжил явагддаг ба түүнээс хойш дөнгөж удааширч эхэлдэг бөгөөд тархины хөгжил зогсонги болох нь гагцхүү оюуны идэвхтэй үйл ажиллагаа буюу уншиж сэтгээгүйгээс болдог гэсэн байна. Харин сурахад хэзээд оройтохгүй гэж хэлсэн байдагчлан байгалийн сайханд нам гүм орчинд өөрийн сонирхсон номыг уншин сууж бодол эргэцүүлэл төрүүлэх нь сэтгэл зүйн энгийн нөхөн сэргээх эмчилгээ болдог.

Дасгал хөдөлгөөн хийх

Идэвхтэй хөдөлгөөн хийхдээ хөгжмийн хэмнэл ашиглах нь хүний тархийг сэргээх, шинэ мэдрэмж төрүүлж бий болгох ач холбогдолтой. Учир нь хөгжмийн хэмнэл, дасгал хөдөлгөөн нь хүнд тодорхой сэтгэл хөдлөлийг үүсгэн аз жаргалын гормоныг ялгаруулж өгснөөр хүн баяр хөөрийг мэдэрдэг.

Өөрт тохиромжтой дасгал хөдөлгөөн хийх, хөнгөн гүйлт, энгийн өглөөний дасгал, гэр бүлээрээ дасгал хамтдаа хийх, агаарын теннис, гар бөмбөгөөр тоглох, ууланд алхангаа бодол эргэцүүлэл хийх, мөн гэр бүл үр ач нартайгаа хамт тодорхой цагийг өнгөрөөх нь стресс тайлагдах, сэтгэл сэргээх боломжтой.

Үр удам, хойч үеийнхээ төлөөх үлгэр дууриалал байх

Үг үйлдлээрээ үр ачдаа зөв үлгэр дуурайлал байх. Тэдний ирээдүйн сайн сайхны төлөө чадах бүх зүйлээ уужуу сайхан сэтгэлээр зориулж, үр хүүхдээ хайрлан тэднийг урам зоригоор тэтгэх нь настнуудын сэтгэл дүүрэн байх чухал шалтгаан болдог. Учир нь авахаасаа илүү өгөх нь ерөөлтэй хэмээх амьдралын чухал зарчим дор жинхэнэ аз жаргал, алсын хараа оршин байдаг.

Эрүүл амьдралын хэв маягтай, үг хандлагаараа бусдыг хайрладаг, хүндэлдэг, үнэнч шударга, даруу дөлгөөн, эелдэг, өр зөөлөн, тэвчээртэй, өөрийгөө захирдаг байснаар олон олон залуус, үр ач нар нь танаас суралцана. 

Настан та өөрийн үнэтэй өвийг хойч үед ийнхүү дамжуулж, ирээдүйн алсын хараа таных байж, өдөр бүр та байгаагаараа энэ амьдралын үнэтэй бэлэг нь байх юм.


Хуваалцах



Тод тусгал

Холбоотой

Уй гашууг даван туулна гэдэг нөхөж дүүргэх бус тухайн мэдрэмжтэйгээ амьдарч сурахыг хэлнэ

Хүний амьдралд даван туулахад хэцүү, хүнд зүйл тохиолдох үед хүчтэй сэтгэл хөдлөл илэрч, сэтгэл зүйн хувьд хямардаг. Үүнийг өөрөөр "уй гашуу" гэж хэлдэг аж. Дэлгэрэнгүй

— Ч.Баяржаргал   2021 оны 10 сарын 13

Судалгаа: Өсвөр насныхны 30.5 хувь нь сэтгэцийн тулгамдсан асуудалтай байна

Дэлхий дахинаа хүүхэд, өсвөр насныхны 20% нь сэтгэц, зан үйлийн эмгэгтэй байгаа судалгаа гарчээ. Сэтгэцийн ихэнхи эмгэг хүүхэд, өсвөр насанд эхлэн илэрдэг болохыг ДЭМБ-аас тодорхойлсон байдаг. Манай улсад өсвөр насныхны сэтгэл хөдлөл, зан... Дэлгэрэнгүй

— Ч. Баяржаргал   2021 оны 09 сарын 29

Санал болгох

Таримал ургамлын үр, сортын тухай хуулийн шинэчилсэн найруулгыг эцэслэн баталлаа

Улсын Их Хурлын чуулганы 2021 оны 10 дугаар сарын 15-ны өдрийн нэгдсэн хуралдаанаар Таримал ургамлын үр, сортын тухай хуулийн шинэчилсэн найруулгыг хэлэлцэж эцэслэн батлахаар шийдвэрлэлээ.Таримал ургамлын үр, сортын тухай хуулийн шинэчилсэн... Дэлгэрэнгүй

— Б.Батцэцэг   15 цагийн өмнө

“ICE TECH эсвэл АМЬДРАЛЫН ӨНГӨ” нэртэй зураасан зургийн сонирхолтой үзэсгэлэн дэлгэгдлээ

Өчигдөрхөн Дүрслэх Урлагийн Академийн "Хүндэт профессор" цол хүртсэн МУСГЗ, зураач Д.Гунгаа багш болон Болгар улсын Үндэсний урлагийн академийн төгсөгч, зураач Г.Болдбаяр нар хамтран “ICE TECH эсвэл АМЬДРАЛЫН ӨНГӨ”... Дэлгэрэнгүй

— Ч.Баяржаргал   16 цагийн өмнө