2022/05/26. Пүрэв гараг Дугаар: #2289

СЭТГЭЛИЙН ДАРХЛАА

Эмэгтэйчүүд эрчүүдээс хоёр дахин илүү "ЯДАРГАА"-нд өртдөг

— Ч. Баяржаргал   2022 оны 03 сарын 07

Та Архаг ядаргаанд орсон уу? 

Судлаачид ядаргааг бие махбодын түвшинд байж болох үзэгдэл хэдий ч хэмжээнээсээ хэтэрвэл эрүүл мэндэд сөргөөр нөлөөлж олон өвчний эх үүсвэр болохыг тогтоосон байна. АНУ-д хийсэн судалгаагаар архаг ядаргааны 80 хувь нь оношлогдохгүй, эрүүл мэндийн тусламж үйлчилгээ авч чаддаггүй гэж үздэг. 

Ядаргаа нь хүн амын 25 хувийг эзэлдэг бөгөөд 20-40 насныханд түгээмэл тохиолддог. Тэр дундаа эрчүүдийг бодвол эмэгтэйчүүд нь 2 дахин илүү ядаргаанд ордог байна. 

Монгол улсад хийгдсэн "Зонхилон тохиолдох сэтгэцийн эмгэгийн тархалтын судалгаа"-аар  Архаг ядаргаа 16.2 хувийг эзэлжээ. 

Архаг ядаргаа үүсэх шалтгаан

  • Сэтгэл зүйн хүчин зүйлс - уурлах бухимдах, сэтгэл түгших, сэтгэл гутрах гэх мэт сөрөг сэтгэл хөдлөлүүд
  • Нойргүйдэлтэй холбоотой хүчин зүйлс - нойрон дундаа сэрэх, өглөө эрт сэрэх, хар дарж зүүдлэх
  • Амьдралын буруу хэвшилтэй холбоотой хүчин зүйлс - хөдөлгөөн, идэвх багатай амьдралын хэв маяг, ажлын хэт ачаалал, нойрны хэмнэл өөрчлөгдөх, согтууруулах ундааны хэтрүүлэн хэрэглээ, таргалалт, буруу хооллолт, дасгал хөдөлгөөн хийхгүй байх
  • Бие махбодын эмгэгтэй холбоотой хүчин зүйлс -  цус багадалт, цагаан мөгөөрсөн хоолойн багтраа, үрэвсэл, чихрийн шижин, үе мөчний үрэвсэлт өвчин, бамбай булчирхайн эмгэг, тархины гэмтэл, тархины судасны хатуурал, архи, мансууруулах бодис донтох эмгэгүүдн

Архаг ядаргааны үед дараах шинж тэмдгүүд илэрнэ.

Бие махбодын талаас: 

  • Амархан ядрах, тамир тэнхээ муудах
  • Амарсан ч ядаргаа тайлагдахгүй байх 
  • Ажлын ялимгүй ачаалал даахаа болих
  • Биеийн эрч хүч, сэргэлэн цовоо байдал алдагдах 
  • Толгой өвдөх, эргэх 
  • Нойр хямрах
  • Зүрх дэлсэх, даралт хэлбэлзэх
  • Ходоод гэдэс хямрах
  • Булчин, үе мөчөөр өвдөх
  • Дуу чимээнд мэдрэг болох 
  • Бэлгийн дур хүсэл буурах
  • үс унах

Оюун сульдлын талаас: 

  • Ажлын чадвар, бүтээмж буурах
  • Анхаарал төвлөрөлт муудах 
  • Оюуны хүч шаардсан ажил хийхэд амархан ядарч сульдах
  • сэтгэн бодох чадвар буурах
  • Мартамхай болох

Сэтгэл санааны талаас:

  • Сэтгэлийн хөдөлгөөн тогтворгүй болох 
  • Амархан уйлах, баярлах, гомдох
  • уур уцаар ихсэх, биеэ барих чадвар буурах
  • Сэтгэл түгшиж тайван биш болох, сэтгэлээр унах
  • Биеэ чагнамтгай болох

Эдгээр шинж тэмдгүүдээс илэрч байвал эрүүл, идэвхтэй амьдралын хэв маягийг өөртөө хэвшүүлэх, стресс тайлах аргуудыг хэрэглэхийг зөвлөж байна. Хэрэв эдгээр шинж тэмдэг гурван сараас дээш хугацаанд үргэлжилбэл мэдрэл, сэтгэцийн эмчид хандах хэрэгтэй. 

Эх сурвалж: Medic, Mhelp.edu.mn 


Хуваалцах



Тод тусгал

Холбоотой

Хүүхдийн хумсаа мэрэх зуршлын сэтгэл зүйн шалтгаанууд

Аав ээжүүд хүүхдийн сэтгэл зүйчид хандаж ирдэг олон асуултуудын нэг нь “Хүүхэд минь хумсаа мэрээд байна яаж болиулах вэ?” гэдэг. Хүүхэд ялангуяа бага насны хүүхэд өөрийгөө хянах чадвар хангалттай хөгжөөгүй байдаг. Дэлгэрэнгүй

— Ч.Баяржаргал   1 цагийн өмнө

Нүдээ аниад 10 минутын дотор унтаж чадаж байвал ХЭВИЙН НОЙРТОЙ гэж үздэг

Дэлхийн нийт хүн амын 17 хувь нь нойрны асуудалтай байсан. Харин цар тахал, хөл хорио зэрэг нөхцөл байдлын улмаас сүүлийн 2-3 жилийн хугацаанд нойрны асуудалтай хүмүүсийн хувь 38 болж өссөн. Дэлгэрэнгүй

— Ч.Баяржаргал   2022 оны 05 сарын 24

Санал болгох

Минжийн хангайд 1 км өргөн, 700 м урт талбайг хамарсан түймэр гарчээ

Улсын хэмжээнд он гарсаар ой, хээрийн гал түймрийн 70 тохиолдол бүртгэгдээд байна. Харин өнөөдөр буюу 05 дугаар сарын 26-ны өдрийн байдлаар Төв аймгийн Мөнгөнморьт суманд ойн түймрийн нэг дуудлагатай байна.Тодруулбал, Төв аймгийн Мөнгөнморьт... Дэлгэрэнгүй

— Б.Батцэцэг   4 цагийн өмнө

Хүүхдүүдийн 82 хувь нь үе тэнгийнхний дээрэлхэлт, хүчирхийлэлд өртөж байсан гэж хариулжээ

Улаанбаатар хотын бүх дүүрэг, найман аймагт амьдарч байгаа 12-18 насны нийт 4264 хүүхдийг судалгаанд хамруулахад 82.8 хувь нь үе тэнгийнхний дээрэлхэлт, хүчирхийлэлд өртөж байсан гэж хариулжээ. Өөрөөр хэлбэл, 10 хүүхэд тутмын 8 нь ямар нэгэн... Дэлгэрэнгүй

— Ч.Баяржаргал   8 цагийн өмнө