Гүйлсэн булчирхай ( Хоолойны мах) ямар шалтгаанаар үрэвсдэг, буглаа болж хүндрэх эрсдэл, мэс заслын эмчилгээний талаар ЭХЭМҮТ-ийн Чих хамар хоолойн мэс заслын тасгийн их эмч Э.Ундрах дараах зөвлөгөөг өглөө. 

Гүйлсэн булчирхайн архаг үрэвслийн шалтгаан 

Ам ангайлт хэвийн боловч гүйлсэн булчирхай удаа дараа байнга өвдсөнөөс болж архаг үрэвслийн шинжүүд илэрдэг. Үүнд, гүйлсэн булчирайн өмнөд хөвч буюу зөөлөн тагнай улайрч, зузаардаг. Мөн өөрийн гүйлсэн булчирхайн бүтэц болох дархлааны шингэн тогтдог хотгор, хонхорнойнууд нь удаан өвдсөнөөс болж шингэнгүй хоосон болох, улмаар хоол тэжээлийн үлдэгдлүүд хуримтлагдан, хатуурч чулуужин амнаас шар будаа гарч байгаа мэт болдог. Энэ нь архаг үрэвслийн шинж юм.

Гүйлсэн булчирхайн бөглөрөл болж хүндрэх нь

Бөглөрөлтөд хэлбэрийн буюу ямар нэгэн байдлаар гүйлсэн булчирхай хүүхэн хэлэндээ түлхэж шахан томордог. Үүнийг 3-р зэргийн бөглөрөлт гэж үзнэ. Ингэснээр шөнө унтаж байхдаа хурхирах, гах гух дугарах, амьсгал тасалдах, хатуу бүхэл хоол идэхэд залгиж чадахгүй буцаагаад гаргаж байвал амьсгалах, залгих замд саад учирч байна гэсэн үг. Энэ тохиолдолд мэс засал хийдэг.

Ямар тохиолдолд мэс засал эмчилгээ хийдэг вэ? 

Мэс заслын заалтад, Сүүлийн нэг жилийн хугацаанд долоо ба түүнээс дээш удаа хоолой идээлэх, халуурах, гүйлсэн булчирхай цочирч, томорч өвдөж байсан бол гүйлсэн булчирхай хүндэрч өвддөг гэж үзэн мэс засал эмчилгээ хийдэг.

Сүүлийн үед хүүхдүүд гүйлсэн булчирхайн залгиурын үрэвсэлд өртөж буй өөр нэг шалтгаан нь, эмийн эмчилгээнд үр дүнгүй, эсвэл эмийн эмчилгээг буруу хийх, дур мэдэн эм хоолой руугаа цацах, идээ өнгөрийг цэвэрлэж арчуулж байна гээд шархлуулснаас хүндрэл үүсэж, гүйлсэн булчирхай орчмын буглаа болдог. Энэ тохиолдолд мэс заслын эмчилгээ зайлшгүй шаардлагатай. 

Анхаарах зүйл нь буглаагаар эмчлэгдээд эдгэрсэн хүүхдүүд цаашид, гүйлсэн бурчихайгаа авхуулах заалттай. Учир нь дараагийн удаа дахин бугалж өвдөх, улмаар хүзүүний гүний буглаа, залгиурын буглаа, цээжний хөндийн үрэвслүүд, амь насанд хүртэл эрсдэлтэй хүндрэл өгдөг.  

Эх сурвалж: Эх Хүүхдийн Эрүүл Мэндийн Үндэсний Төв