2021/09/25. Бямба гараг Дугаар: #2046

СЭТГЭЛИЙН ДАРХЛАА

"Ковид-19"-ийн үед ахмад настнуудынхаа сэтгэл зүйг дэмжих зөвлөмж

— Ч.Баяржаргал   2021 оны 06 сарын 21

Ковид-19 цар тахлаар 65 наснаас дээш насныхан болон ужиг хууч өвчтэй хүмүүс өвчлөх, амь насаа алдах эрсдэл өндөр байгаа. Та бидний аав ээж, ахмад настангууд маань цар тахлын улмаас айж эмээн, түгшиж байгаа энэ үед тэднийг илүү ойлгож, сэтгэл санааг нь дэмжин туслаарай.

"Focus on the family Mongolia" байгууллагын Сэтгэл зүйч Н.Рэнжмаа ахмадын сэтгэлзүйг хэрхэн дэмжих талаар дараах зөвлөгөөг өгч байна.

Юуны өмнө 65-аас дээш насныхны бие махбод болон сэтгэл зүйн онцлогийг мэдэх нь зүйтэй. Үүнд: 

  • Өтөл насныхны бие бялдрын хувьд булчин шөрмөс суларсны улмаас хурд хүч буурдаг. Бие махбодын өөрчлөлтөөс болж хүчгүй, сул дорой мэдрэмж төрдөг.
  • Ясны сийрэгжилт, хөдөлгөөний эвсэл алдагдсанаас болж бэртэж гэмтэх магадлал өндөрсдөг.
  • Дархлаа муудсан байдаг тул өвчлөмтгий болдог.
  • Өтөл настнууд тэтгэвэрт гарч хамт олны харилцаанаас хөндийрснөөс үүдэн гансарч, ганцаарддаг.
  • Нийгэмд эзлэх байр суурь нь өмнөх үетэй нь харьцуулахад буурсан мэт мэдрэмж төрүүлдэг.
  • Санхүүгийн боломж багасах болон хараат болдог. Үүнээс үүдэн хэнд ч хэрэггүй болсон мэт мэдрэмж төрж, сэтгэлээр унах, гутрах нь их болдог.
  • Үе тэнгийнхэн, найз нөхөд, ханиа алдах нь их байдаг тул гашуудах, гансрах, ганцаардах мэдрэмж хүчтэй мэдэрдэг.
  • Өнгөрсөн амьдралаа эргэж бодож, харамсах, өөрийгөө буруутгах эсрэгээр өөрөөрөө бахархах, баярлах мэдрэмжүүд төрдөг.
  • Ирээдүйдээ итгэл багатай болох, айдас түгшүүрт автах, сэтгэл гутралд орох нь ихэсдэг.
  • Сэтгэл гутралаас үүдэн хоолны дуршил багасах, нойргүйдэх, байнга ядарч сульдах, өтгөн хатах зэрэг шинж тэмдгүүд илэрдэг.

Настнуудад бие физиологи, сэтгэл санааны хувьд өөрчлөлтүүд бий болж байгаа энэ үед гэр бүл, ойр дотныхны халамж, анхаарал ихээхэн чухал нөлөөтэй. 

Тэдний сэтгэл санааг хэрхэн дэмжих вэ?

  • Яриаг нь анхааралтай сонсох
  • Дурсамжаа ярих боломж олгох
  • Талархлаа илэрхийлэх
  • Гэр бүлийн чанартай цаг гаргах
  • Чухал, үнэ цэнэтэй гэдгийг нь мэдрүүлэх
  • Чаддаг зүйлээр нь гэр бүлийн үйл ажиллагаанд туслуулж, оролцуулах
  • Урамшуулан, магтах
  • Хэрэгцээ шаардлагыг нь мэдэж, хангах
  • Цэвэр агаарт гарах
  • Амьдрах орчин, гэр орон нь тав тухтай байх
  • Тусдаа амьдардаг бол ойр ойрхон уулзах болон холбоо барих.

Сэтгэл санаа өөдрөг байх нь дархлааг сайжруулж, өвчин тусах магадлал багасдаг тул та гэр бүлийнхээ ахмад настай хүмүүсийн сэтгэл санааг дэмжээрэй.

Хуваалцах



Тод тусгал

Холбоотой

Ажилтнуудын сэтгэл зүйн асуудлуудыг орхигдуулах нь мэргэжлээс шалтгаалах өвчнийг нэмэгдүүлдэг

АНУ-д 2019 оны байдлаар насанд хүрэгчдийн 5 хүн тутмын 1 нь сэтгэцийн эмгэгтэй (51.5 сая хүн), 20 хүн тутмын 1 нь ямар нэгэн сэтгэл зүйн ноцтой гэмтэлтэй (13.1 сая хүн), ажилтнуудын 40% нь сэтгэл зүйн асуудлаас болж чөлөө авдаг судалгааны үр дүн... Дэлгэрэнгүй

— Ч.Баяржаргал   2021 оны 09 сарын 17

Б.Ууганцэцэг: Стресстэй эцэг эхчүүд хүүхдийнхээ хичээлийг хийлгэхдээ илүү уурладаг

 "Сэтгэлийн дархлаа" энэ удаад "Сургуулийн бага насны хүүхдийн сэтгэл зүй, эцэг эхчүүд хэрхэн харилцаж, хичээлийг нь үр дүнтэй хийлгэх"  талаар  “Сэтгэл Судлалын Үндэсний Төв”-ийн Гүйцэтгэх захирал,... Дэлгэрэнгүй

— Ч. Баяржаргал   2021 оны 09 сарын 14

Санал болгох

Нийслэлийн ой нь түймэрт өртөх “АЮУЛТАЙ” ангилалд ордог

Монгол улсын нийт газар нутгийн 8 хүрэхгүй хувьд ой мод байдаг. Энэ хувь хэмжээ жил ирэх тусам багассаар байна. Ой мод устаж үгүй болж буйн шалтгааны 90 гаруй хувь нь хүний буруутай үйл ажиллагаа гээд бодохоор үнэхээр харамсалтай. Дэлгэрэнгүй

— Ч.Баяржаргал   13 цагийн өмнө

Спортын тэмцээнийг эхний ээлжид “Хариуцлагын гэрээ” байгуулж зохион байгуулахыг зөвшөөрөв

Хотын Захирагч спортын холбоодын төлөөлөлтэй уулзлаа. “Ковид-19” цар тахлын улмаас үйл ажиллагаа нь хумигдаж, олон хүн ажилгүй, орлогогүй болсноос гадна энэ нь тамирчдын амжилтад ч нөлөөлж байгааг спортын холбоодын төлөөлөл онцолсон. Дэлгэрэнгүй

— Ч.Баяржаргал   18 цагийн өмнө