2021/12/02. Пүрэв гараг Дугаар: #2114

СЭТГЭЛИЙН ДАРХЛАА

"Өвдчихсөн юм биш биздээ" гэж биеэ чагнах нь юунд хүргэдэг вэ?

— Ч.Баяржаргал   2021 оны 11 сарын 08

Бие, сэтгэл хоёр хоорондоо салшгүй холбоотой. Нэг нь өвдөхөд нөгөөх нь дагаад өвддөг. Гэтэл бид зөвхөн биеэ эмчлээд сэтгэлээ эмчлэхгүй орхих нь олонтай. Биеийн өвчний 90 хувь нь сэтгэл зүйгээс шалтгаалдаг гэдэг.

Биеэ чагнах нь зөв үү, буруу юу? Өөрийгөө анзаарч мэдэх эсвэл өвчин эрж байнга баашлаад байгаа мэт хоёр ойлголтын тухайд?

Өвчин тусаагүй хэрнээ “би хорт хавдартай болчих юм биш биздээ”, “коронавирус тусчихсан юм биш байгаа” гэж хэтэрхий санаа зовсноос болж жинхнээсээ халуураад байгаа юм шиг санагдах нь айдас түгшүүрийн хэмжээг улам л нэмэгдүүлдэхээс цаашгүй. Гэтэл эсэргээрээ сэтгэл түгшил, санаа зовинол байгаа учраас өвчтэй байх вий гэсэн дэмий айдсыг бий болгоод байж болно. Энэ нь бие махбодод ямар нэгэн өвчин тусчихсан юм шиг санагдуулдаг.

Сэтгэл зүйгээс болж үнэхээр бодитой бие өвддөг. 

Гэхдээ шалтгаан нь биемахбод биш сэтгэл зүйн шалтгаантай. Шинжилгээ өгөхөөр биед нь өөрчлөлт байхгүй боловч бие нь өвдөөд л байдаг. Ийм хүмүүст багалзуур дээр нь юм тээгэлчихсэн юм шиг санагдаж хоол идэж чадахгүй байх, гар нь байнга хөлрөх, зүрх нь хурдан цохилж дэлсэх, ходоод нь хямрах, хоолоо боловсруулж чадахгүй байх зэрэг бодит өвдөлтүүд мэдрэгддэг. Хэчнээн эм уусан ч дарагдахгүй. Тиймээс дахин дахин шинжилгээ өгөх, өөр өөр эмнэлгүүдэд хандах зэргээр цаг хугацаа, мөнгө ихээр зарцуулдаг. Сэтгэл зүйн шалтгаантай бие нь өвдөж байгаа хүмүүс маш их эм уудаг. Нойрны эм, гэдэсний эм гэх мэт олон төрлийн эм уусаар эрүүл байгаа биеээ улам муутгах талтай.

Бие махбодын өвчин үү эсвэл сэтгэл зүйн шалтгаантайгаар бие өвдөөд байна уу гэдгийг яаж ялгаж мэдэх вэ?

Бие нь зовиурлаад байвал мэдээж хамгийн эхэнд эмнэлэгт хандаж шинжилгээ өгөх нь зүйтэй. Шинжилгээний хариу эрүүл гарчихаад байхад бие тань өвдсөн хэвээрээ байвал харин сэтгэл зүйчид хандах хэрэгтэй.

Хүмүүс эмчид очоод юунаас болж зүрх нь өвдөөд байгааг асуухаар "стрессээс болоод" гэж хариулдаг. Жирийн стресстэй байх үед бие дээрх шинж тэмдгүүд богино хугацаанд илрээд арилдаг. Харин аюултай нөхцөл байдалд буюу хүчирхийлэлтэй орчинд байгаа эсвэл сэтгэл санааны хувьд байнгын шаналалтай, ойр дотны хүмүүс нь удаа дараа нас барсан, амьдралд нь ямар нэг хэцүү зүйл тохиолдож, ийм байдал нь  удаан хугацаанд үргэлжилсэн бол сэтгэлийн шалтгаантай биемахбодын өвчин болж хүндэрдэг. Ийм тохиолдолд заавал мэргэжлийн  сэтгэл засалч эмчид хандах шаардлагатай. Сэтгэлийн өвчинг тоохгүй орхиж болохгүй.

Ярилцлага нэвтрүүлгийг бүрэн эхээр нь доор линкээр үзнэ үү. 


Хуваалцах



Тод тусгал

Холбоотой

Зөрүүд, догшин уурладаг хүн үнэндээ "ичих мэдрэмж" ихтэй байдаг

Мэдрэмж гэж юу вэ? Ичих мэдрэмж нь үнэхээр хүнд байх хэрэгтэй мэдрэмж үү. Эсвэл ямар нэгэн сөрөг мэдрэмжийн илрэл үү. Ичих мэдрэмж үргэлж таныг дагаад байвал ямар нөлөө үзүүлэх вэ? Хэрхэн ичих мэдрэмжээ эерэгээр өөрчлөх талаар зөвлөгөө хүргэж... Дэлгэрэнгүй

— Ч.Баяржаргал   2021 оны 11 сарын 25

15-19 насны залуусын нас баралтын тэргүүлэх шалтгааны нэг нь амиа хорлолт болж байна

"Ковид-19" цар тахлын нөхцөл байдал нь хүүхэд залуусын  сэтгэцийн эрүүл мэндийн асуудалд илүүтэй анхаарал хандуулахыг сануулж байна. Дэлгэрэнгүй

— Ч. Баяржаргал   2021 оны 11 сарын 23

Санал болгох

СЭМҮТ-ийн эмчилгээ, үйлчилгээний нөхцөл байдал, ажилтнуудын хөдөлмөрлөх эрхийн хэрэгжилтэд шалтгалт хийжээ

Хүний эрхийн Үндэсний Комиссоос Сэтгэцийн Эрүүл Мэндийн Үндэсний Төвийн эмчилгээ, үйлчилгээний нөхцөл байдал, ажилтнуудын хөдөлмөрлөх эрхийн хэрэгжилтэд 2021 оны 10 дугаар сарын 26,27-ны өдрүүдэд шалгалт хийсэн. Дэлгэрэнгүй

— Б.Батцэцэг   9 цагийн өмнө

"Өвлийн идэш" арга хэмжээнд борлуулж буй бүх мах, махан бүтээгдэхүүн гарал үүслийн бичигтэй

Нийслэлийн хүн амын өвлийн хэрэгцээнд зориулан “Өвлийн идэш” арга хэмжээг 11 дүгээр сарын 25-наас зохион байгуулж эхэлсэн. Дэлгэрэнгүй

— Ч.Баяржаргал   12 цагийн өмнө