2026/11/18. Лхагва гараг Дугаар: #3926

ОНЦЛОХ

Эрүүл мэндийн даатгалын сангийн санхүүжилтийн тогтолцоог БНСУ-ын туршлагаар сайжруулна

— Ч.Баяржаргал   2 цагийн өмнө

Монгол Улсын эрүүл мэндийн даатгалын сангийн санхүүгийн удирдлагыг боловсронгуй болгох, даатгуулагчдад үзүүлэх тусламж, үйлчилгээний санхүүжилтийн үр ашгийг нэмэгдүүлэх чиглэлээр Монгол Улс БНСУ-тай хамтран ажиллана.

Энэ хүрээнд БНСУ-ын Үндэсний эрүүл мэндийн даатгалын газрын төлөөлөгчид Монгол Улсад ажиллаж, “Монгол Улсын эрүүл мэндийн даатгалын санхүүгийн удирдлагын чадавхыг бэхжүүлэх зөвлөх үйлчилгээний төсөл”-ийг эхлүүлээд байна. KOICA буюу БНСУ-ын Олон улсын хамтын ажиллагааны байгууллагын санхүүжилтээр хэрэгжих уг төслөөр Монголын эрүүл мэндийн даатгалын санхүүгийн өнөөгийн нөхцөл байдалд үнэлгээ хийж, дунд болон урт хугацаанд хэрэгжүүлэх төлөвлөгөө боловсруулна.

Төслийн нээлтийн үйл ажиллагаа Эрүүл мэндийн даатгалын ерөнхий газарт болж, Монгол Улсын Эрүүл мэндийн яам, ЭМДЕГ, KOICA болон БНСУ-ын Үндэсний эрүүл мэндийн даатгалын газрын төлөөлөл оролцлоо. Энэ үеэр ЭМДЕГ-ын дарга Ц.Батбаатар, БНСУ-ын Үндэсний эрүүл мэндийн даатгалын газрын Гадаад хамтын ажиллагаа, хөгжлийн газрын дарга Рю Сук Ён нар төслийн хүрээнд хэрэгжүүлэх ажил, талуудын үүрэг оролцоог тодорхойлсон баримт бичигт гарын үсэг зурав.

Төслийн хүрээнд эрүүл мэндийн даатгалын шимтгэл, орлого бүрдүүлэлт, санхүүжилт, төлбөрийн тогтолцоог боловсронгуй болгохоос гадна эрүүл мэндийн байгууллагуудаас тусламж, үйлчилгээ худалдан авах, тэдгээртэй гэрээ байгуулах тогтолцоог сайжруулахад анхаарна.

Мөн БНСУ-ын эрүүл мэндийн даатгалын тогтолцооны туршлагад тулгуурлан Монгол Улсын онцлог, хэрэгцээнд нийцсэн санхүүгийн удирдлага, мэдээллийн системийг хөгжүүлэх, мэргэшсэн хүний нөөц бэлтгэх чиглэлээр хамтран ажиллах юм.

Ингэснээр эрүүл мэндийн даатгалын сангийн хөрөнгийн удирдлага, санхүүжилтийн тогтолцоог сайжруулах, даатгалын сангийн зарцуулалтын үр ашгийг нэмэгдүүлэх, эрүүл мэндийн тусламж, үйлчилгээний худалдан авалтыг илүү оновчтой болгох нөхцөл бүрдэнэ гэж үзэж байна.

Хуваалцах



Тод тусгал

Холбоотой

Монголын гал сөнөөгчид дэлхийн аваргаас мөнгөн медаль хүртлээ

Гал унтраах техникийн олон төрөлт спортын дэлхийн аварга шалгаруулах тэмцээний эрэгтэйчүүдийн XXI, эмэгтэйчүүдийн XII удаагийн тэмцээнд амжилттай оролцсон Монгол Улсын баг тамирчдыг Онцгой байдлын ерөнхий газрын удирдлагууд өнөөдөр (2026.11.09)... Дэлгэрэнгүй

— Ч.Баяржаргал   2026 оны 11 сарын 09

БНСУ бүлэг жуулчлалын болон эрүүл мэндийн визийг цахимаар шуурхай олгоно

Монгол Улс, БНСУ-ын Засгийн газар хоорондын Хамтарсан хорооны Х хуралдаан 2026 оны 10 дугаар сарын 30-ны өдөр Сөүл хотноо болж, хоёр улсын стратегийн түншлэлийн хүрээнд худалдаа, хөрөнгө оруулалт, эрүүл мэнд, дэд бүтэц, байгаль орчин, боловсрол,... Дэлгэрэнгүй

— Ч.Баяржаргал   2026 оны 11 сарын 04

Санал болгох

Монгол Улс газрын доройтол, цөлжилттэй тэмцэх санаачилгуудаа олон улсад танилцууллаа

Бүгд Найрамдах Турк Улсын Анталья хотноо 2026 оны арваннэгдүгээр сарын 9-20-ны өдрүүдэд Уур амьсгалын өөрчлөлтийн тухай НҮБ-ын суурь конвенцын Талуудын 31 дүгээр бага хурал (UNFCCC COP31) болж байна.Тус бага хурлын хүрээнд зохион байгуулсан... Дэлгэрэнгүй

— Ч.Баяржаргал   2 цагийн өмнө

Монгол Улсын 2027 оны төсвийн нийт зарлага 41.5 их наяд төгрөг байхаар баталлаа

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны улсын төсвийн төслийг энэ сарын 13-ны өдөр УИХ-ын нэгдсэн чуулганаар эцэслэн баталлаа. Монгол Улсын 2027 оны төсвийн нийт орлогыг 39.2 их наяд... Дэлгэрэнгүй

— Ч.Баяржаргал   2026 оны 11 сарын 16