Эрүүл мэндийн даатгалын сангаас Амбулаторийн тусламж, үйлчилгээг 100 хувь бүрэн хариуцдаг. 

Уг тусламж, үйлчилгээнд багтах Жирэмсний хяналтын багцын нийт зардалд:

•  Жирэмсэн эмэгтэйн үзлэг, шинжилгээний товлол”-ын дагуу хийгдэх Эмэгтэйчүүдийн эмчийн үзлэг, зөвлөгөө
•  Сорил, оношилгоо, шинжилгээний болон холбогдох бусад зардлууд хамаарна.

Жирэмсэн эмэгтэй нь жирэмсний хяналт хийлгэх лавлагаа шатлалын нэгдсэн эмнэлэг, төрөлжсөн мэргэшлийн эмнэлэг, клиникийг сонгох үйлчлүүлэх эрхтэй.

Мөн жирэмслэлттэй холбоогүй боловч эмчийн заалтаар үзүүлсэн, жирэмсний хяналтын багцад ороогүй бусад төрлийн тусламж, үйлчилгээний зардлыг эрүүл мэндийн даатгалын сангаас санхүүжүүлэх юм.

“Амбулаторийн тусламж үйлчилгээ”-г 6 төрөл, 13 оношийн хамааралтай бүлэг болгож өргөтгөн багцалсан байна. Үүнд: 

Амбулаторийн тусламж, үйлчилгээний төрлөөр,

1. Амбулаторийн үзлэг /өвчний учир, эрүүл мэндэд нөлөөлж буй нөхцөл байдал/

2. Амбулаторийн үзлэг, оношилгоо, шинжилгээний багц

3. Амбулаториор хийгдэх мэс ажилбар

4. Шүд, амны хөндийн амбулаторийн тусламж, үйлчилгээ

5. Амбулаторийн хяналтын үзлэг /халдварт болон халдварт бус өвчин, хорт хавдар, сэтгэцийн эмгэг, гэмтэл, мэс заслын дараах эмчилгээ/

6. Жирэмсний хяналтын багц /эрсдэлтэй жирэмсэн, хэвийн жирэмсэн/

Та эдгээр амбулаторийн тусламж үйлчилгээг авахын тулд ЭМД-аа төлсөн байх ба таны сонгосон эмнэлэг ЭМДЕГ-тай гэрээтэй эсэхийг шалгахад л хангалттай.  

Дэлгэрэнгүй мэдээллийг Эрүүл мэндийн даатгалын ерөнхий газрын 1800-1363 утсаар холбогдон авна уу.