2020 онд COVID-19 цар тахал тархсанаас хойш эрүүл мэнд, нийгэмд үзүүлэх хор уршиг өнөөдрийг хүртэл дэлхий даяар үргэлжилж, тэр дундаа сэтгэцийн эрүүл мэндийн тулгамдсан асуудлууд улам бүр нэмэгдсээр байгаа юм.

Сүүлийн үеийн судалгаанаас үзэхэд хүн амын дунд сэтгэл түгшилт, сэтгэл гутрал болон бусад сэтгэцийн зонхилон тохиолдох эмгэгүүдийн тархалт их байна.  

Сэтгэцийн эрүүл мэндийн тархалтын талаарх ДЭМБ-ын тоон мэдээлэл: 

• Таван хүн тутмын нэг нь амьдралынхаа хугацаанд сэтгэцийн ямар нэгэн эмгэгт өртдөг.
• Сэтгэл гутрах эмгэг нь хөдөлмөрийн чадвар алдалтад хүргэх тэргүүлэх шалтгаан болсоор байна.
• Насанд хүрэгчдийн 5 хувь нь сэтгэл гутралаар шаналж байна.
• Нас баралтын 100 тохиолдол тутмын нэг нь амиа хорлолт.
• Шизофрени зэрэг хүнд хэлбэрийн сэтгэцийн эмгэгтэй хүмүүс нийт хүн амтай харьцуулахад 10-20 жилийн өмнө нас барж байна.
• Дэлхий дахинаа 10-19 насны 7 хүүхэд тутмын нэг нь сэтгэцийн эмгэгтэй байна. Эдгээр насны бүлгийн нийт өвчлөлийн дунд сэтгэцийн эмгэгтэй хүүхдүүд 13 хувийг эзэлж байна.
• Өсвөр насныхны өвчлөл, хөдөлмөрийн чадвар алдалтад хүргэж буй гол шалтгаануудын нэг нь сэтгэл гутрал, сэтгэл түгшилт болон зан үйлийн эмгэг.
• 15-29 насныхны нас баралтын шалтгааны дөрөвдүгээрт амиа хорлолт орж байна.

Танд болон таны ойр дотны хүнд сэтгэцийн эрүүл мэндийн тулгамдсан асуудал үүссэн бол харъяа аймгийн болон дүүргийн сэтгэцийн эмчид хандан зөвлөгөө, мэдээлэл авах боломжтой. Мөн Сэтгэцийн эрүүл мэндийн үндэсний төвийн 24 цагийн 1800-2000 утсанд холбогдож, мэргэжлийн сэтгэцийн эмчээс зөвлөгөө, мэдээлэл авч цаашид ямар арга хэмжээ авах талаар чиглэл, зөв мэдээлэлтэй болоорой. 

Хүн амын дунд түгээмэл тохиолдож буй сэтгэцийн эмгэгүүдийн шалтгаан, шинж тэмдэг, хэрхэн даван туулах, ямар арга хэмжээ авах талаар дэлгэрэнгүй мэдээлэл авах холбоосууд: 

Сэтгэл гутралын талаар ярилцсан дугаарыг ЭНД ДАРЖ уншина уу. 

Сэтгэл түгших эмгэгийн талаар ярилцсан дугаарыг ЭНД ДАРЖ уншина уу. 

Амиа хорлолтын талаар ярилцсан дугааруудыг ЭНД ДАРЖ уншина уу.